Neves dhe Sisoko, zgjerohet lista e dëshirave
Juventusi po kërkon dëshpërimisht të paktën një tjetër mesfushor (kërkesa e Alegrit është dy) potent dhe me eksperiencë për t'i shtuar repartit, në të cilin Pol Pogba la një hapësirë jo të vogël. Por ndërsa bisedimet me të "preferuarin" Blais Matuidi vazhdojnë të ngecin, ndonëse çdo ditë që kalon optimizmi shtohet, lista e drejtorit Xhuzepe Marota pasurohet me emra të rinj. Pas Matuidit, Luiz Gustavos, Huan Kuadrados dhe Iskos, konfirmohen se dy emrat e rinj me të cilët do të tentohet të arrihet një akord janë Ruben Neves i Portos dhe Musa Sisoko i Njukasëllit. Neves është një lojtar 19vjeçar me një të ardhme të madhe përpara, por klubi portugez di t'i mbrojë yjet e tij me klauzola të çmendura mbi 50 milionë euro, ndaj këtu situata duket mjaft e vështirë. Aspak e lehtë nuk është as ajo që të çon te Sisoko, sepse përveç 30-35 milionë eurove minimalisht që kërkon Njukasëlli (edhe pse në kategorinë e dytë angleze), në garë për francezin është Reali i Madridit dhe lojtari duket se i është premtuar Zidanit. Ndërkohë nga Spanja e përditshmja "As" këmbëngul se mbetet e gjallë pista që të dërgon tek Isko, i cili duket se ka dalë totalisht jashtë planeve të ekipit, pas shpërthimit të talentit Asensio. Por se cilët janë emrat që po vlerëson gjithë këto ditë klubi i Juventusit, tregohen në tabelën më poshtë:
Blais Matuidi (PSG)
Luiz Adriano (Volfsburg) Huan Kuadrado (Çelsi) Tiemue Bakajoko (Monako) Isko (Real Madrid)
Musa Sisoko (Njukasëll) Ruben Neves (Porto) Aksel Vitsel (Zenit)