Festoi golin, drejtuesi i Vojvodinës godet lojtaren

Dhuna në futbollin serb nuk mungon kurrë, por me sa duket ajo është në rend të ditës edhe në kampionatin për femra. Në ndeshjen mes ekipeve të Vojvodinës dhe Crvena Zvezdës, e mbyllur me rezultatin 1-3, një episod i shëmtuar ka shënuar fundin e takimit. Dragan Capalje, drejtues i lartë i klubit të Vojvodinës, është arrestuar, pasi ka goditur me shpullë Nevena Miladinoviçin, 18-vjeçaren e Crvena Zvezdës. Capalje është justifikuar se festimi i lojtares ka qenë i ekzagjeruar dhe kjo ka mjaftuar për ta nxjerrë jashtë kontrolli, duke reaguar dhunshëm. "Na provokuan gjatë gjithë takimit, por në fund gjithçka u zgjidh", nënvizoi ai për gazetën "Kurir". Pas ngjarjes, klubi i Crvena Zvezdës ka postuar një foto të vajzës së dhunuar dhe ka postuar: "Drejtuesit e Vojvodinës dhe lojtaret e këtij klubi, me lot në sy, na përgëzuan për fitoren e merituar. Në të njëjtën kohë, klubi i ka kërkuar falje publike lojtares sonë dhe të kombëtares së femrave, Nevena Miladinoviçit, familjarëve të saj dhe Crvena Zvezdës".