Allërdajs: Terri, për kombëtare

Një ditë pasi shprehu besimin dhe mbështetjen ndaj portierit Xho Hart, trajneri i kombëtares së Anglisë, Sem Allërdajs, ka thënë se edhe Xhon Terri mund të rikthehet të luajë për "tre luanët". I emëruar pak muaj më parë në krye të stolit të Anglisë, ish-trajneri i Sandërlendit thotë me qetësi që veterani mund t'i bëjë akoma punë skuadrës dhe tifozët nuk duhet të habiten nëse e shohin të grumbullohet. "Terri është një lojtar i madh dhe një mbrojtës fantastik. Kombëtarja? Sigurisht që ka shanse dhe mund të grumbullohet në të ardhmen. Për aq kohë sa ai është në aktivitet dhe luan në nivele të larta me Çelsin, e ka mundësinë të jetë pjesë e Anglisë. Të gjithë futbollistët mund të grumbullohen", ka thënë trajneri Allërdajs.