Sampdoria ‘në sulm’ për Mavrajn

Qendërmbrojtësi kuqezi ofron garanci për prapavijën, nisin bisedimet zyrtare

Shtohet "banda" e ku qezinjve në Serinë A. Këtë herë bëhet fjalë për një nga shtyllat e mbrojtjes së Kombëtares kuqezi. Mërgim Mavraj ka dalë në skenë si emri më i mirë i mundshëm për qendrën e mbrojtjes së Sampdorias. Problemet e hasura në takimin e parë kanë bërë që drejtuesit e skuadrës italiane të vihen në veprime për të plotësuar nevojat e ekipit përpara se të mbyllet merkatoja e transferimeve. Ndërkohë që ekipi është duke pritur zyrtarizmin e afrimit të Denis Praet, emra si Simone Romanjoli i Karpit dhe Mateo Bianketi i Veronës janë gjithashtu alternativa, të cilat po merren në konsideratë nga drejtuesit. Mirëpo, paraqitja e kuqezinjve në Francë ka evidentuar një nga shtyllat e mbrojtjes për kuqezinjtë. Mërgim Mavraj është një prej alternativave që shihen si të vlefshme për drejtuesit e Sampdorias, për eksperiencën që ka dhe sigurinë që ofron në repartin e prapavijës. "Sampdoria news", një faqe informative pranë klubit, konfirmon lajmin e bërë publik nga "tuttomercattoweb", në lidhje me shqiptarin. Mbrojtësi i ditëlindjes 1986 është një nga futbollistët titullarë të Këlnit në Bundesligën gjermane, mirëpo gjatë merkatos së muajit janar, kur Mavraj u përfol se mund të largohej, trajneri dhe drejtuesit e klubit konfirmuan se çdokush e ka një vlerë për kartonin. Në lidhje me mbrojtësin kuqezi, drejtuesit e Këlnit kërkojnë rreth 2 milionë euro për ta lënë të lirë shqiptarin. Pas Berishës (gjithmonë e më shumë një ikje nga Lacio), Strakoshës, portieri i tretë te bardhekaltrit, Manajt, Memushajt e Malokut te Peskara, Veselit tek Empoli, Ajetit te

Torino, Gjimshitit tek Atalanta e Bashës në Serinë B te Bari, Mërgim Mavraj mund të jetë një tjetër nga kuqezinjtë që të bëhet pjesë e futbollit italian. Lidhur edhe me taktikën e trajnerit të kuqezinjve, transferimi i të tre qendërmbrojtësve në Serinë A do të jetë një garanci më shumë që prapavija kuqezi të ketë siguri.