Fitore ekstremesh, Dinamo thyen Shkumbinin
"Veteranë" dhe të rinj, Allmuça krijon ekipin e frikshëm
Dinamo e nis me këmbë të mbarë ka mpionatin e ri duke fituar në sfidën hapëse ndaj Shkumbinit me rezultatin 2-0. Fitore ekstremesh mund të konsiderohet ajo e djeshmja ndaj peqinasve, pasi golat u shënuan të dy në minutat e fundit të çdo pjese. Gërxho dhe i riu Ilir Allmuça vulosën 3-pikëshin e parë për skuadrën kryeqytetase që këtë sezon synon rikthimin në elitë. Një fakt interesant në këtë takim ishte ndërthurja që trajneri Allmuça i kishte bërë formacionit ndërmjet lojtarëve me mjaft eksperiencë si Turdiu, Gërxho, Brahja, Arifaj etj., me të rinjtë Murataj dhe Ilir Allmuça.
Ndeshja
Sfida nisi me një minutë heshtje në kujtim të Kadri Shkrelës, ish-pjesëtar i klubit, i cili humbi jetën disa ditë më parë. Në të 7- ën, Turdiu ndërmerr një aksion personal, por i ndërhyn Isaj dhe goditje nga këndi. Ekzekuton Gërxho, por Shenaj spastron zonën. Më pas, Majkëll kalon në sprint Xhyrën, kroson në zonë dhe Turdiu i vetëm përballë Ajazit tenton një rroveshatë, por nuk e arrin dot ta prekë topin. Rasti më i mirë për blutë, në një kohë që ka ovacione nga mbështetësit e Dinamos. Bëhet një lojë e fortë në mesfushë, në një kohë që miqtë ndëshkohen me të verdhë në disa raste. Në të 44ën, Gërxho shënon golin e avantazhit për blutë. Rexhepi nga krahu i djathtë kroson
Lojtarët e Dinamos duke festuar fitoren e djeshme
në zonë në gjysmë lartësi, Gërxho vjen vrullshëm dhe godet bukur dhe saktë me një gjuajtje tokazi duke gjetur rrjetën. Pjesa e dytë nis e vrullshme ku Dinamo kërkon golin e dytë, ndërsa trajneri mik Branica kërkon më tepër nga të tijtë dhe hedh në lojë
Aliaj që i zë vendin Nexhës. Në lojën e peqinasve ka impulse pozitive, por pa rezultat. Në të 77-ën, Fejzo Shenaj bëhet rrezik për portën e Birjas, pasi gjuan mjaft bukur nga jashtë zone, por sfera përfundon vetëm pak centimetra larg shtyllës. Katër minutat
shtesë sjellin dhe golin e dytë. Në të parën, Xhyra bën një ndërhyrje të rëndë në dëm të Majkëll dhe ky i fundit del duke i lënë vendin të riut Ilir Allmuça. Ky i fundit, në topin e parë që prek, e shndërron në gol duke mos e shpërdoruar asistin e Muratajt.