Vetëm tri pikë, klubi do kthesën
Pas katër javëve të para të kampionatit, skuadra e Luftëtarit ka arritur të grumbullojë vetëm tri pikë, pasi ka fituar në ndeshjen ndaj Korabit. Ndërkohë që bluzinjtë e drejtuar nga Milinkoviç kanë humbur me Partizanin, Flamurtarin e Skënderbeun, por janë ndëshkuar shumë edhe nga gjyqtarët. Gjithashtu një minus i madh për ekipin e rikthyer në Superiore është fakti që i luan të gjitha ndeshjet jashtë fushe, për shkak të rikonstruksionit të stadiumit "Gjirokastra". Megjithatë, stafi teknik ka besim se skuadra do të arrijë të marrë të tjera pikë në ndeshjet në vijim, duke u bazuar te loja e mirë, ndërkohë që shpreson edhe te gjykimet korrekte.