Nis stërvitja, javë e ngjeshur për skuadrën

Pas pushimit të së dielës, Flamurtari dje u është rikthyer përgatitjeve. Nën drejtimin e trajnerit Magani, vlonjatët pritet të kenë një javë relativisht të ngjeshur. Së pari, vëmendja është përqendruar te ndeshja e Kupës së Shqipërisë, e cila do të luhet më Ilirinë në FushëKrujë, kurse në fundjavë do të luhet me Tiranën në kryeqytet. Ende nuk dihet se me çfarë formacioni do të luajë trajneri në këtë ndeshje, e cila duhet thënë se është tërësisht e kalueshme. Nuk përjashtohet mundësia që Magani t'u japë shansin të gjithë atyre futbollistëve që nuk kanë arritur të gjejnë hapësira deri më tani në formacion për të treguar vlerat e tyre.