Personazhi "negativ", Kiri u kërkon falje tifozëve

Fatjon Kiri ishte personazhi më i përfolur gjatë fundjavës së kaluar në Pukë. Mesfushori shkodran gaboi nga pika e bardhë e penalltisë në minutat e fundit në sfidën e parë ndaj Kastriotit duke shpërdoruar një mundësi shumë të mirë që skuadra e tij ta niste me tri pikë kampionatin. Në një prononcim për gazetën, Kiri u shpreh: "Unë ndihem i indinjuar për penalltinë që humba. Nuk u besova syve që topi nuk hyri në portë. Gjithsesi, i kërkoj ndjesë tifozërisë pukjane dhe në ndeshjet në vazhdim shpresoj se do të shënoj gola dhe t'i jap fitore ekipit. Unë u bashkova me ekipin e Tërbunit përpara 10 ditëve dhe kam gjetur një grup lojtarësh të mirë dhe me eksperiencë. Kam besim se skuadra do të marrë rezultate pozitive, ku edhe këtë vit Tërbuni ka synim ngjitjen në elitë", deklaroi Kiri në prononcimin e tij.