Gërxho: Dinamo është super, do të ngjitemi
Autori i golit të parë të Dinamos, Julian Gërxho, në një prononcim për "Panorama Sport" shprehet i kënaqur për fitoren e bluve. Gjithashtu, mesfushori thekson se skuadra tashmë shpreson dhe beson se ky ishte fillim i mbarë dhe do të vazhdojë në këtë rrugë të nisur. "Ishte ndeshja e parë e Dinamos për këtë sezon, ku ne pritëm Shkumbinin. Zhvilluam një ndeshje të mirë dhe arritëm të fitojmë 2-0, por që kishim mundësi të bënim më mirë. Ishte një fitore moral, që vë në dukje aftësitë tona. Kemi bërë një fazë përgatitore dhe gjithashtu kemi bërë merkato cilësore. Besoj se do vazhdojmë me këtë ritëm dhe synimi ynë është ngjitja në Superiore", deklaroi Gërxho. Skerdilaid Sulozeqi