Merkato 6artizani i Roland Tares "zhvat" Tiranën

Partizani në volejboll për femra është pretendente për titull, teksa ekipi kryeqytetas ka dobësuar rivalet e Tiranës në merkato duke i "rrëmbyer" katër volejbolliste. Esmeralda Tuci, Kejsi Matraku, Xhenifer Pira dhe Ergysa Blloku, që ishin edhe titullare me bardheblutë sezonin e kaluar, kanë firmosur për Partizanin, ku do të luajnë sezonin e ri sportiv 2016- 2017 ( nuk luajti as Klonarda Nezaj, që ndodhet në Belgjikë). Të katërta këto volejbolliste kanë nisur prej kohësh stërvitjen me Partizanin, ku pritet të jenë titullare e përforcime të rëndësishme për ekipin e drejtuar nga trajneri Roland Tarja. Me ardhjen e këtyre lojtarëve, skuadra e "kuqe" pritet të jetë ndër pretendentet kryesore për titull, bashkë me Barleti Volej e Tiranën, ashtu si disa sezone më parë. Javën e parë të kampionatit, Partizani do të luajë në fushën e Elbasanit dhe më pas me Barletin, që për momentin është akoma skuadra më e fortë e kampionatit.