Zidan fut dy djemtë e tij në listën e Champions-it
Zinedin Zidan është akuzuar kohët e fundit se po merr vendime favorizuese për dy djemtë e tij, të cilët janë pjesë e ekipeve të moshave në Madrid. Në disa raste ai i ka grumbulluar me ekipin e parë, apo i ka marrë me vete në ndeshje të rëndësishme. Por, ditën e djeshme ka firmosur që t'i përfshijë në listën "B" të Champions-it, duke u dhënë kështu mundësinë edhe që të grumbullohen për ndeshje të këtij kompeticioni. Në listën e publikuar bie në sy që janë Enco dhe Luka Zidan, ndërkohë që vështirë se mund të arrijnë të fitojnë konkurrencën e fortë për një vend në formacion, apo disa minuta si zëvendësues.