Mbrojtja i besohet gardës së vjetër, por mesfusha në alarm
Formacioni do të jetë 3-5-2 dhe diçka të tillë e konfirmoi vetë trajneri Masimiliano Alegri në konferencën për shtyp. Ai tha se nuk ka ndër mend ta ndryshojë modulin për faktin se nuk ka shumë mbrojtës në dispozicion. Dëmtimi i Benatiasë dhe Ruganit ka bërë që bardhezinjtë të kenë shumë probleme në repartin e prapavijës. Në këtë mënyrë, treshja do të jetë Barzalji-Bonuçi
Kielini. Të tre duhet të shtrëngojnë dhëmbët për t'i dhënë Juventusit fitoren e parë në këtë sezon të
Ligës së Kampionëve. Reparti i mesfushës është në alarm total.
Si të mos mjaftonte mungesa e
Markizios dhe fakti që Sturaro nuk është në formën më të mirë, Azamoah do të qëndrojë jashtë fushave për 45 ditë. Dje ai kreu operacionin dhe i duhet një kohë e gjatë për t'u rikthyer. Treshja përpara mbrojtjes do të jetë Hernanes, Khedira dhe Pjaniç, ndërsa nga krahët Evra është favorit mbi Aleks Sandron. Në të djathtë pritet të luajë Dani Alvesh, i cili është në balotazh me Kuadradon. Sulmi do t'i besohet dyshes Higuain-Dibala. Ndërkohë skuadra e Dinamos së Zagrebit do të luajë me modulin 4-3-1-2 ku mesfusha e ngjeshur pritet të përballojë sulmin e frikshëm të Juventusit, i cili do të kërkojë ta zhbllokojë ndeshjen shumë shpejt.