Kandidat për në stolin e Uest Hemit
Ish- trajneri i Mançester Sitit dhe Interit, Roberto Mançini, përflitet në Itali se mund të jetë kandidati i mundshëm për të zëvendësuar trajnerin e Uest Hemit, Slaven Biliç. Tekniku kroat është në rrezik shkarkimi pas startit të dobët të sezonit. Londinezët kanë grumbulluar vetëm 3 pikë në këto 6 javë të para të Premier Ligës. Dhe, sipas "Calciomercato"s, Mançini, i cili është i lirë që prej largimit nga Interi në gusht, do të merret seriozisht në konsideratë për të pasuar kroatin në rast shkarkimi.