12 orë pas derbit zbresin në fushë

Për shkak të një jave të ngjeshur, të kuqtë janë detyruar që rreth 12 orë pas kthimit në kryeqytet, pas përfundimit të derbit, të zbresin sërish në terrenin stërvitor. Në mesjavë, Partizani luan ndeshjen e parë të turit të parë të Kupës së Shqipërisë, ku përballë do të kenë Kevitanin e Kategorisë së Dytë. Ndërsa të shtunën, në orën 14:00, i pret transferta e Kukësit, për javën e pestë të kampionatit. Në seancën e djeshme, e cila u krye paradite në Pezë, lojtarët janë ndarë në dy grupe. Futbollistët që luajtën ndaj Tiranës kanë kryer një seancë shkrythëse, ndërsa pjesa tjetër e skuadrës ka marrë ngarkesë të plotë.