"Tirana e vjetshme, më mirë se tani"

Për Shkëlqim Muçën kjo Tiranë nuk është më e mirë se një vit më parë. Gjatë deklaratës së dhënë pas derbit në "Rubrika Sportive", ai tha: "Tirana e vjetshme ka qenë më e mirë se kjo në këtë start sezoni. E them këtë nisur nga lojtarët që kanë zbritur në fushë. Fukui, G.Lika dhe Muzaka janë futbollistë që mund të bëjnë diferencën, ndryshe nga këta që janë aktualisht te Tirana. Edhe në kohën kur luanim ne, derbi ishte një përballje që nuk varej nga forma aktuale e ekipit apo renditja. Një pikë nuk është asnjëherë pozitive për ekipet që janë pretendente. Përkundrazi, duhet konsideruar si humbje, pasi u jep shans rivalëve direkt të shkëputen".