)liria premton kthesën ndaj vlonjatëve

Iliria nuk e ka nisur kampionatin me një rezultat pozitiv, pasi ka humbur në shifrat 2-0 në transfertë ndaj Burrelit. Një gjë e tillë nuk është pritur mirë nga drejtuesit, të cilët i kanë lënë dorë të lirë trajnerit Ziri që të përzgjidhte futbollistët. Megjithatë, gjatë këtyre ditëve skuadra ka menduar për ndeshjen e Kupës së Shqipërisë, e cila do të luhet në shtëpi ndaj Flamurtarit. Fushëkrujasit nuk kanë objektiva në këtë kompeticion, megjithatë do të synojnë një rezultat pozitiv në shtëpi, në mënyrë që skuadra të jetë në gjendje të mirë psikologjike për sfidën e radhës në kampionat. Drejtuesit janë duke punuar për të krijuar një atmosferë miqësore, ndërsa trajneri nuk pritet të bëjë shumë ndryshime në formacion nga sfida e fundit, për t'u dhënë mundësi sulmuesve që të gjejnë rrugën e rrjetës. Shkëlqim Hasani