Branica bën gati testimin e të rinjve
Shkumbini përballet sot ndaj ekipit të Bylisit në takimin e parë kualifikues të raundit të parë të Kupës së Shqipërisë. Për peqinasit ky kompeticion nuk përbën një objektiv primar ndaj me shumë gjasa pritet që trajneri Branica të aktivizojë një formacion të alternuar, të përbërë nga shumë elementë të rinj. Trajneri Branica ka mbetur i pakënaqur nga disa prej futbollistëve të tij pas humbjes së pësuar në kryeqytet përballë Dinamos dhe ka kërkuar më shumë impenjim në ndeshjen e radhës në kampionat. Peqinasit presin Apoloninë në fundjavë dhe sigurisht që synohet një rezultat pozitiv, në mënyrë që të harrohet humbja ndaj bluve. Sfida e sotme ndaj Bylisit do të hapë siparin e ndeshjeve zyrtare në stadiumin e Peqinit. Fatmir Ahmeti