Kupa e Shqipërisë “problem” për Besën, heq dorë që tani

Koshient se me grupin që ka aktualisht çdo pretendim për Kupën do ishte ëndërr, stafi verdhezi e ka vlerësuar takimin e sotëm vetëm në shërbim të kampionatit. Dihet tashmë se përbërja e verdhezinjve është krejtësisht me lojtarë të rinj dhe sfida e sotme do të jetë krejtësisht në shërbim të kampionatit. Fatkeqësisht, edhe 3 lojtarët brazilianë që Besa ofroi këtë sezon, të paktën ndeshjen e parë, nuk bindën. Madje, ishin ata shkaktarë të faullit të pësimit të golit dhe nuk i dhanë asnjë gjë ekipit. "Nuk e kemi luksin të luftojmë në dy fronte. Ne akoma vuajmë atë humbje me Besëlidhjen dhe na pret këtë fundjavë një tjetër sfidë e vështirë në Kamzë. Të dy këto ekipe, shto edhe Erzenin, i shoh si pretendetët kryesorë për ngjitjen në Superiore. Thënë ndryshe, Besa nuk ka investimet e tyre, ndaj lufta në Kupën e Shqipërisë do të ishte thjesht sakrificë pa vlera", deklaroi sulmuesi Mateo Hasa. Në këto kushte, trajneri Berati pritet të bëjë shumë zëvendësime në formacion në shërbim të ndeshjes ndaj Kamzës. Nuk dihet saktësisht se cilët lojtarë do të pushojnë. Feriz Ferizaj