Këlni i gatshëm të bindë Mavrajn

Mërgim Mavraj ka qenë një ndër lojtarët më të mirë të Bundesligës gjermane në këtë start sezoni. Mbrojtësi i Kombëtares ka rënë në sy për sigurinë dhe garancinë që ka ofruar në prapavijë, duke u përfshirë rregullisht në formacionin më të mirë të secilës javë. Këlni, për herë të parë në historinë e vet ka kaluar shifrën e 100 milionë eurove xhiro vjetore si dhe një përfitim prej rreth 4 milionë euro. ky bilanc pozitiv, bën që financat e klubit të jenë të shëndosha dhe kjo gjë do të shërbejë që drejtuesit të bindin “yjet” e skuadrës për të rinovuar. Mavraj do të jetë një prej tyre, të cilin te kylni duan ta mbajnë me çdo kusht.