Lorenco i përgjigjet Rosit: Nuk ekziston “puçi”, fitova me meritë

"Unë flas vetëm në pistë, nuk i kam borxhe Markezit"

Pas garës së fundit në MotoGP, atë të zh villuar në pistën e Aragon, ku piloti italian Valentino Rosi u rendit i treti, pas spanjollëve Mark Markez dhe Horge Lorenco, piloti i Yamahas i është rikthyer së shkuarës dhe asaj që ndodhi një vit më parë. Rosi humbi titullin kampion në dëm të shokut të skuadrës Lorenco, pas konflikteve që pati jo vetëm me të, por edhe me Markez. "Është e qartë që ata së bashku më vodhën titullin. E bënë në një mënyrë që nuk e prisja. Ajo që ndodhi vjet në 3 garat e fundit ishte e pabesueshme. Sjellja e Markez ishte e turpshme dhe besoj se kjo ia humb vlerën edhe titullit të Lorencos", tha italiani Valentino Rosi për mediat britanike.

Kundërpërgjigjja - Mirëpo, pas akuzave të Rosit, nuk ka vonuar reagimi i pilotit spanjoll. Kampioni i botës në fuqi, Horge Lorenco, gjatë një interviste për "AS", tha: "Nuk jam aspak dakord me ato që pohon Valentino. Nuk ka ekzistuar asnjë komplot". Më tej, piloti i Yamahas, që në sezonin e ardhshëm do garojë për Dukatin, shtoi: "Nuk mendoj se titulli im ka humbur vlerën, pasi e kam merituar atë duke kryesuar në pjesën më të madhe të sezonit. Unë gjithmonë jam mundur të flas në pistë dhe i respektoj kundërshtarët. Markez? Nuk mendoj se luftoj për të fituar unë titullin. Nuk më ka interesuar kurrë që të përzihem në

çështjen midis tij dhe Valentino Rosit". I pyetur nëse këtë sezon do t'i kthejë "reston" duke ndihmuar Markezin të fitojë titullin kampion, piloti spanjoll tha: "Mungojnë edhe katër gara nga fundit i sezonit dhe objektivi im është të fitoj sa më shumë pikë deri në fund. Markez ka një

avantazh të konsiderueshëm, momentalisht është 52 pikë i shkëputur nga Rosi dhe është një mision pothuajse i pamundur për t'i rrëmbyer titullin. Objektivi im është vendi i dytë. Në Aragon bëra një paraqitje pozitive dhe jam i bindur që mund të luftoj me Valentinon deri në

fund. Dukati? Nuk mendoj për sezonin e ardhshëm. Dua të qëndroj i fokusuar te fundi i kampionatit dhe më pas do angazhohem me motorin e ri. Për mua kalimi te Dukati është një eksperiencë që më intrigon dhe shpresoj që të bëjë një ecuri të mirë", tha ai.