Guardiola: Dy lojtarë u dëmtuan prej meje
Pep Guardiola është fokusuar te dëmtimet e dy prej futbollistëve më të rëndësishëm, Visent Kompani dhe Kevin de Bryjne gjatë konferencës për shtyp. "Më vjen keq që Kompani dhe Bryjne do qëndrojnë jashtë fushave për afro 3 javë. Mund ta kisha menaxhuar më mirë situatën. Mbase jam fajtor që i aktivizova kundër Suonsit. Do të jenë mungesa të rëndësishme për ne", tha trajneri i Mançester Sitit. Më pas, ai foli edhe për ndeshjen e radhës me Sëlltikun: "Luajmë kundër një ekipi me traditë në Europë dhe që do japë më shumë se 100% të potencialit të vet. Ndaj Barcelonës nuk e treguan forcën e tyre, por në shtëpi janë të rrezikshëm. Duhet të tregohemi efikas në rastet para portës". Roxhers - "Do krijojmë një atmosferë elektrizuese në stadiumin tonë. Kemi 60 mijë tifozë fanatikë, që do ta bëjnë Mançesterin të ndihet nën presion. E njoh mentalitetin e tyre dhe mendoj se do përfitojmë nga fakti që luajmë në shtëpi. Diferencat ekonomike dhe në cilësi janë të mëdha, por kjo nuk na tremb. Përkundrazi, na motivon më tepër", deklaroi trajneri i Sëlltikut, Brendan Roxhers.