Toti, legjenda e Romës bën 40 vjeç

“Në vitin 2003 isha fare pranë Realit, në jetën time s'kam shkarkuar asnjë trajner”

Një festë kombëtare dhe ndërkombëtare. I tillë mund të quhet 40-vjetori i Françesko Totit, duke parë urimet e shumta që ka marrë nga kolegë, kampionë të sporteve të tjera, këngëtarë, politikanë e aktorë, të gjithë të përulur përpara legjendës së Romës, i cili ka prekur një objektiv të rëndësishëm, 40 vite dhe ende në fushën e lojës. "I falënderoj të gjithë nga zemra, sepse diçka të tillë nuk e prisja kurrë. Falënderoj kolegët, Mesin dhe Del Pieron në veçanti, por nuk e di nëse do t'ia plotësoj dëshirën Lionelit, të luaj edhe dy vite të tjera. Falënderoj sportistët e tjerë dhe njerëz të rëndësishëm të të gjitha fushave që më kanë uruar. Si arrij të jem ende në fushë në këtë moshë? Nuk e di si ia kam arritur, ndonëse sepse nuk kam vese, por mbi të gjitha pasi pasioni dhe dëshira për t'u dëfryer nuk mungojnë ende. Momentet e mia më të vështira? Natyrisht dëmtimet, por edhe në vitin 2003. Atëherë u binda realisht të shkoja te Reali, kisha probleme me presidentin, por më pas, zemra, miqtë dhe familja më ndihmuan të reflektoj. Por, edhe kur erdhi koha e kontratës së parafundit, edhe aty realisht mendova të lija Romën, të zgjidhja një destinacion tjetër, por sërish bëra zgjedhjen e duhur, duke qëndruar. E tashmja, e vështirë për mua? Dua të saktësoj diçka: Unë jam pjesë e grupit dhe gjithmonë kam qenë pjesë e tij duke respektuar rregullat, sepse mbi të gjitha jam koherent me veten. Nuk kam dëbuar apo kërkuar shkarkimin e asnjë trajneri në jetën time, nuk kam zgjedhur kurrë asnjë për Romën. Unë punoj dhe luftoj vetëm për Romën", tha Toti.