Tirana ndalet nga Sopoti, abonohet me barazimet
Supergoli i Likës nuk mjafton, i ndëshkon "ish"-i ota
Tirana "abonohet" me barazimet, nuk fiton dot as në Kupë. Bardheblutë nuk kanë shkuar më larg se shifrat 1-1 përballë Sopotit të Kategorisë së Parë, paçka se të gjithë tifozët prisnin zhbllokimin e kryeqytetasve. Ndeshja u luajt në "Selman Stërmasi", pas akordit të të dy klubeve, ndërsa vlen të përmendet se Ilir Daja kishte hedhur në fushë lojtarët e rinj dhe ata që nuk kanë pasur shumë minuta gjatë kampionatit. Supergoli i realizuar nga Gilman Lika në fundin e pjesës së parë nuk mjaftoi, pasi në minutën e 87-të ishte ish-sulmuesi i bardhebluve, Mirel ?ota, që barazoi gjithçka nga pika e bardhë.
Ndeshja - Ky takim i parë për turin e parë nisi shumë qetë. Aq sa duhet të vinte e 28-ta minutë që bardheblutë të kërcënonin portën e Sopotit me anë të Vucajt. Një minutë më vonë është Halili, që gjuan diagonal, por topi kalon ngjitur me shtyllën pingule. Provon edhe Karabeci në të 37'-ën, por topi shkon mbi tra. Shifrat zhbllokohen në minutën e 43-të, kur Gilman Lika, i rikthyer pas 3 muajsh në fushë, me një parabël perfekte e dërgon topin mbi portierin Beshiri dhe 0-1. Ky fraksion mbyllet këtu. I dyti nis me një ndryshim në formacionin e Sopotit, ku vendin e të dëmtuarit Sykaj e zë mbrojtësi Mersini. Është e 49ta minutë, kur Peçi shkarkon të djathtën e tij, megjithatë portieri i librazhdasve grushton dhe largon rrezikun. Pas 10 minutash është sërish Peçi protagonist, por këtë herë asiston për të riun Halili. Gjuajtja e tij largohet në këndore prej Beshirit. Tirana dominon lojën dhe krijon pambarimisht, megjithatë duket se finalizimi është kthyer në një "gangrenë". Nga ana tjetër, "miqtë" organizohen mirë, por nuk arrijnë që të vënë në rrezik për minuta me radhë portën e mbrojtur prej Edvan Bakajt. Në të 72-ën, Halili kombinohet me Takun, por gjuajtja e mesfushorit, edhe pse në pozicion të prirët, shkon shumë mbi tra. Në të 83-ën është ?ota që provon në diagonal nga distanca, por kontrollon Bakaj i pashqetësuar. Në të 86-ën, Moise gjuan nga 23 metra, por topi kalon vetëm ngjitur me traversën. Kur mendohej se gjithçka po mbyllej, në të 87-
ën, një ndërhyrje e gabuar e Domgjonit kundër Mitrajt, shoqërohet me 11-metërshat. Gjuan kapiteni ?ota dhe nuk gabon, duke i barazuar shifrat në 1-1. Përtej ndonjë përpjekjeje të dëshpëruar, fundi nuk sjell kurrfarë surprize, duke e lënë të hapur kualifikimin për ndeshjen e dytë.