uftëtarin e nderon një angole në !lbasan
Shënon mesfushori Santonjo debuton sulmuesi aje
Luftëtari mund mininalisht 0 me 1 Elbasanin, me golin e shënuar nga Santonjo në minutën e 35-të. Gjirokastritët udhëtuan me një ekip të cunguar në këtë përballje, pasi në stolin e rezervave kishte vetëm tre lojtarë. Nga ana tjetër, edhe verdheblutë lanë pushim disa lojtarë, për t'i pasur sa më të freskët për kampionat. Përpos seriozitetit të Kupës, Dosti dhe Milinkoviç menduan edhe për sfidat e kampionatit. Për sa i përket lojës, ka qenë e luftuar për të dyja skuadrat, me Elbasanin që u përball si i barabartë me një ekip të Superiores. Ndeshja - Përballja nis e qetë në minutat e para për të dyja ekipet, të cilat mundohen të ambientohen me terrenin e kompleksit "Shefqet Lamçja", edhe pse ishte në kushte mjaft të mira. Luftëtari ka territorin në favor dhe arrin të kalojë në avantazh në minutën e 35-të me anë të Santonjos. Pasi futet bukur pranë zonës, godet dhe në cepin e largët Kotorri nuk e ndal dot dhe 0 me 1. Në pjesën e mbetur të takimit verdheblutë mundohen që të barazojnë shifrat, por gjuajtjet e tyre nga jashtë zone dhe finalizimet e aksioneve nuk janë të sakta. Deklaratat - Pas ndeshjes, trajneri i Elbasanit, Muharrem Dosti, u shpreh: "Mendoj që ekipi reagoi në
krahasim me ndeshjen e parë në kampionat me Turbinën dhe kjo gjë na jep shpresë. Për sot (dje) të them të drejtën nuk më interesonte shumë rezultati, pasi më shumë më interesonte kthimi i moralit të ekipit. Luajtëm
mirë dhe kishim dy raste ku duhet ta kishim barazuar lojën. Mendjen e kemi pasur te ndeshja me Dinamon në kampionat dhe na duhet patjetër të marrim rezultat pozitiv". Vladimir Mema