Ditmar Bicaj përfundon në stol
Në ndeshjen e fundit të kampionatit, trajneri i Vllaznisë, Armando Cungu, ka lënë jashtë formacionit të skuadrës së tij qendërmbrojtësin Ditmar Bicaj, i cili shihej si i pazëvendësueshëm. Një gjë e tillë ka treguar se në skuadrën kuqeblu nuk ka lojtarë që shihen si të pazëvendësueshëm. Pas humbjes me Laçin trajneri mbeti mjaft i pakënaqur nga skuadra dhe disa prej tyre janë lënë në stol. E njëjta praktikë do të vazhdojë edhe në vijim, ku pritet që trajneri të hedhë në fushë nga minuta e parë vetëm futbollistët që kanë një gjendje të mirë fizike dhe mund të përballojnë me sukses 90 minutat e ndeshjes në një nivel të lartë.