Tirana më e kompletuar për Kupën, mungon vetëm Kërçiku

Ndeshja e fundjavës për skuadrën kryeqytetase, veç të tjerash, u kondicionua thelbësisht nga mungesa e dy mbrojtësve të krahut. Kërçiku vijon të jetë i dëmtuar dhe mungesa e tij nuk është përcaktuar ende se sa do të zgjasë. Një problem për skuadrën e trajnerit Daja, duke qenë se ai ka qenë pjesë e formacionit bazë në tetë ndeshjet e para të kësaj faze. Me rikthimin e Hoxhallarit, tekniku i kryeqytetasve do të ketë një organikë më të plotë për këtë takim. Me përjashtim të mbrojtësit të linjës së djathtë, Daja ka në dispozicion të gjithë pjesën tjetër të skuadrës. Mbetet për t'u parë nëse ai do të zgjedhë që të bëjë ndryshime nga formacioni tip i titullarëve për përballjen e parë në Kupë, ndërkohë që nga takimi i fundjavës nuk ka asnjë të dëmtuar.