Kastrioti humbet tre titullarë

Trajnerit të Kastriotit, Afrim Deliu, do t'i duhet ta luajë takimin e radhës pa titullarë. Bëhet fjalë për tre mesfushorët, Xhynejt Çutra, Erlind Korreshi dhe Salvador Gjonaj. E ndërsa ky i fundit ka plotësuar numrin tre të kartonëve të verdhë, Çutra dhe Korreshi po kalojnë prej kohësh një shqetësim në pulpë. Sipas Ali Veselit të stafit mjekësor, për dy lojtarët do të duhet të bëhet edhe një eko tjetër, ku do të shihet gjendja e tyre. Megjithatë, mundësitë që mesfushorët të mund të rikuperohen për ndeshjet e ardhshme në Kupë dhe kampionat janë minimale. Kjo për faktin se ata sakrifikuan edhe gjatë ditës së shtunë në ndeshjen ndaj Besëlidhjes. Sa i përket pjesës tjetër të grupit, të gjithë janë në dispozicion dhe zëvendësimi i të dëmtuarve nuk do të jetë problem. Liridon Pasha