Një milion e gjysmë për një pikë
Barazimi i arritur në Fier konsiderohet një rezultat mjaft pozitiv për Turbinën. Pikën e marrë në transfertën ndaj Apolonisë, në kampin cërrikas e shohin si një mundësi ideale për të ruajtur vazhdimësinë. Për të shpërblyer këtë performancë, mësohet se presidenti Gentjan Gjoka ka akorduar një premio prej 1.5 milionë lekësh të vjetër, të cilat do të shpërndahen këto ditë. Edhe në këtë sfidë, ka rezultuar sërish deciziv goli i mesfushorit Klevis Roshi. Kapiteni ka baraspeshuar rezultatin falë një 11-metërshi të shndërruar në gol dhe pa dyshim që ky fakt e gëzon atë jo vetëm në planin personal, por edhe atë ekipor. Pas kësaj pike, Turbina pozicionohet në vendin e katërt. Florenc Manari