Milani futet në garë për Serxho Aguerron
Emri i fundit, i cili ka ndezur para kohe merkaton në Milano, është ai i sulmuesit të Mançester Sitit, Serxho Aguerro. Pa diskutim, në plan të parë është thjesht e paimagjinueshme që kjo të ndodhë, por e përditshmja angleze "Daily Express" raporton se marrëdhënia e trajnerit Pep Guardiola me argjentinasin ka marrë tatëpjetën (pas lënies në stol të këtij të fundit ndaj Barcelonës në Champions). Në horizont do të jetë me shumë mundësi Milani, tashmë "i rilindur" nga shoqëria "Fininvest", e cila ka premtuar rreth 100 milionë euro për merkaton e janarit. Sigurisht, deri tani, flitet thjesht për një sugjerim, por nuk përjashtohet mundësia që "Djalli" të bëjë një ofertë të rëndësishme në janar.