"Zonja" fillon të joshë Pepen, nisin kontaktet

Menjëherë pas refuzimit të Tiago Silvës, Juventusi po mendon për të tjera alternativa për repartin e mbrojtjes. Në fakt është e pakuptueshme pse torinezët duan me ngulm një mbrojtës qendror, duke qenë se në skuadër ka shumë të tillë. Emri i fundit që ka dalë në listë është Pepe. Kampioni i Europës nuk ka rinovuar ende kontratën me Realin e Madridit dhe duke përfituar nga kjo situatë Juventusi ka nisur të kërkojë informacione mbi të ardhmen e tij. Zidan tha se Pepe konsiderohet një lojtar shumë i rëndësishëm për "galaktikët", por një ofertë joshëse nga Juventusi mund ta transferonte atë në kampionatin italian. Pepe në fakt ka thënë se dëshiron ta mbyllë karrierën në Spanjë.