Dopingu, dorëhiqet zv/ministri rus i Sporteve
Zëvendësministri rus i Sporteve, Juri Nagornik, ka dhënë dorëheqjen. Lajmi është bërë publik në faqen zyrtare të qeverisë ruse ku thuhet është një "dorëheqje vullnetare". Më 18 korrik, kreu i komisionit të pavarur të Agjencisë Botërore të Antidopingut (WADA), Riçard McLaren, prezantoi rezultatet e studimit, në të cilën, ndër të tjera, u shpreh se Ministria e Sportit ishte e përfshirë në "komplot" për të fshehur përdorimin e dopingut nga sportistët rusë dhe në veçanti Nagornik ka qenë një nga protagonistët kryesorë. Kohë më parë, kryeministri rus Dmitri Medvedev kishte pezulluar zëvendësministrin deri në përfundim të një hetimi të brendshëm.