Reagon Reagon trajneri: trajneri: Tefiku Tefiku servil, servil, mohon mohon Josën Josën prej prej Takajt Takajt
“Nuk mund të bie në batakun e injorantëve, Tefiku flet gjithmonë me kasetë”
Pas deklaratës së Tefik Osmanit, ku thumboi taktikat e trajnerit Sulejman Starova, trajneri i të kuqve, ndonëse hezitoi fillimisht, ka pranuar që përmes "Panorama Sport" t'i japë një përgjigje korçarit. Përgjigjja e "Bobit" do t'i "djegë" Tefik Osmanit, i cili zakonisht preferon që situatat t'i paraqesë me thumbime e batuta. Duke qenë se nuk pranoi të përmendë emrin e ish-trajnerit Mirel Josa, Starova e përkufizoi Osmanin si servil të presidentit Takaj. "Unë nuk merrem me atë që t'i kthej përgjigje, madje edhe media nuk duhet të bjerë në batakun e injorantëve. Ai humbi kredite pasi nofkën e ka pasur "servili". Kështu që ai bën servilin e Tan Takes, kur nuk përmend emrin e Mirel Josës. Ai ka përmendur një ndërhyrjen time kur kam qenë drejtor te Teuta. Drejtori dy llafe thotë, nuk thotë shtatë, pasi i ka thënë trajneri fjalët e tjera. Edhe mbrëmë ai bëri detyrën si servil në studio televizive. Ka pasur kasetën me vete dhe ka thënë fjalimin e parashikuar. Shembullin konkret ai e ka brenda ekipit ku luan, Lilaj, i cili gjithashtu është një lojtar që unë e kam drejtuar. Lilaj e kishte treguar qartë mendimin e tij në "Panorama Sport", jo si ai i nofkës "servili". Pra, shkurtimisht atë mund ta përkufizoj si lojtari me nofkën "servili" dhe që flet me kasetë. Kur nuk lavdëroi Mirel Josën, që është rekordi i trajnerëve shqiptarë, çfarë pret më shumë nga ai person", u shpreh trajneri Starova për "Panorama
Sport".
Osmani irriton durrsakët
Deklarata e mbrojtësit Osmani rreth një situate të ndodhur kur korçari dhe Starova ishin pjesë e Teutës nuk është pritur mirë nga drejtuesit e klubit durrsak. Mësohet se këto pakënaqësi i ka shprehur direkt zv.presidenti i Teutës, Gentjan Dudushi, i cili, ashtu si pjesëtarët e tjerë të stafit, ka mbetur i habitur nga pohimet e ish-mbrojtësit të tyre, Tefik Osmani.
Starova për Azubel
Trajneri Starova, në prononcimin
e tij për "Panorama Sport", ka folur edhe rreth pakënaqësive që pati sulmuesi Ben Azubel pas ndeshjes me Korabin. "Në çdo ekip në botë një lojtar që nuk luan kërkon të aktivizohet. Detyra e Azubel dhe e lojtarëve është që të stërviten fort përditë, rrogën e marrin komplet, prandaj kur t'i thotë trajneri do të jetë i gatshëm. Besoj nuk është ndonjë personalitet ai që po i hamë hakun. Çdo lojtar duhet të ulë kokën e të punojë dhe të jetë i gatshëm për ekipin", përfundoi Starova.