Bajerni, jo gati për Champions, për titullin po
Tëdashur lexues, fansa, sportdashës dhe kritikë, ditët e fundit na përshkroi një fllad. Ky është një fenomen natyror këtu në alpe ku një erë e ngrohtë dhe e thatë e bën motin të bukur për një kohë të shkurtër. Pavarësisht dëborës së parë, në male temperaturat kanë shkuar mbi 20 gradë. Këtë fundjavë e pata pushim dhe shijova këtë natyrë prag dimri. Kushte ideale për t'u çlodhur. Kjo më vlen shumë sepse karikoj forcat e mia, me qëllim që të jem në superformë në momente dhe ndeshje vendimtare. Me fitoren e pastër kundër Gladbahut, Bajerni gdhendi qëllimin e tij: të fitojë titullin e pestë radhazi. Ne kemi një qëndrim të qartë ndaj konkurrentëve dhe vlerësojmë secilin prej tyre. Në kampionat ka disa skuadra të reja dhe dinamike që po rivalizojnë së tepërmi si Herta, Këlni dhe Lajpciku. Sipas këndvështrimit tim, këto tre ekipe nuk kanë organikën apo potencialin e duhur për të zhvilluar një sezon konstant dhe synuar vendet e para. Për këtë ju mungon pjekuria që është i rëndësishëm për t'i dhënë stabilitetin e nevojshëm skuadrës. Por, ata po e përdorin në mënyrë perfekte momentin. Nga ana tjetër, kemi edhe Dortmundin, një skuadër po aq e re dhe dinamike dhe cilësi të larta në sulm. Borusia nuk kanë bërë ndonjë start perfekt, por bazuar eksperiencës nga vitet e kaluara janë më të fortë se këto ekipe të momentit. Nuk arrij të kuptoj dobësinë e Leverkusenit dhe Shalkes që në tetë javë kampionat kanë mbetur kaq shumë prapa. Me 20 pikë ne kryesojmë tabelën. Pyetja është: Sa vlerë ka forma jonë në krahasim me Champions-in? Ndeshja në transfertë kundër Atletikos tregoi që forma jonë nuk mjafton apo nuk është gati për trofeun e madh. Për të folur mbi këtë trofe, duhet të përmirësojmë ende dhe disa gjëra. Mendoj se do jetë vendimtare balancimi apo gjetja e ritmit të duhur mes çlodhjes dhe sforcimeve. Ky pushimi i fundjavës do i bënte mirë çdo kolegu në ekip. Është përgjegjësia jonë t'i menaxhojmë siç duhet fuqitë tona për të qenë prezent në momente vendimtare, sidomos para pushimeve të dimrit në ndeshjen e kthimit më 6 dhjetor kundër Atletikos kur do luhet në 20 gradë celsius.