NBA ndez motorët, Golden Steit janë favoritë
Uestbruk kuotohet për "MVP"-në, e ndjekin Kurri dhe "Mbreti"
Ngre sot siparin se zoni i rregullt i NBA- së 20162017. Në ceremoninë hapëse të basketbollit më të bukur në botë do të zbresin në parket pikërisht kampionët në fuqi të Klivlend Kavaliers ndaj Nju Jork Niks. Golden Steit Uoriors, me "new entry" në radhët e saj si Kevin Durant, do të përballen me teksanët e San Antonios ( për herë të parë që nga viti 1997 pa Tim Dankan, ndërsa Portland Bleizers do të sfidojë Jutah Xhaz. Skuadra favorite për të bërë të sajën unazën janë Uoriors, të përforcuar në merkaton e verës me ish-yllin e Oklahoma Sitit, 28vjeçarin Durant. Megjithatë, në asnjë mënyrë nuk duhet nënvlerësuan Kavaliers, të cilët sezonin e kaluar ishin në gjendje të shkurorëzonin skuadrën kaliforniane falë një lideri të jashtëzakonshëm si LeBron Xhejms. Më 12 prill 2017, pas gati gjashtë muajsh dhe 1230 ndeshjeve të zhvilluara, i jepet fund sezonit rraskapitës të rregullt. Më 15 prill, stafeta kalon te faza e "play off"-it. Duelet
Patjetër që disa nga ndeshjet që nuk duhen humbur janë: më 4 korrik ku Derrik Roz, tashmë pjesë e Nju Jork Niks, do të luajë kundër ish-skuadrës së saj Bulls në Çikago; më 10 nëntor për herë të parë Duejn Ueid do të jetë në Majemi si një kundërshtar i Hitsave, këtë sezon i veshur me fanellën e "Demave"; më 11 shkurt 2017 do të jetë kthimi i bujshëm i Durant në Oklahoma Siti si rival. Gjithashtu me interes do të jetë edhe sfida për Krishtlindje mes Klivlend Kavaliers dhe Golden Steit, "revanshi" i finaleve të sezonit të fundit. Shumë pak pushimet janë programuar këtë edicion për yjet e parketit, ndërsa nuk do të luhet më 24 nëntor në Ditën e Falënderimeve; më 24 dhjetor dhe 3 prill dita e finaleve të kampionatit të kolegjeve dhe nga datat 17 deri 22 shkurt do të ketë pushim për shkak të "All Star Weekend". Për herë të parë prej vitit 1997, ligës së basketbollit më e bukur në botë do t'i mungojnë tre legjendarë që kanë shkruar historinë: Kobi Brajant, Tim Dankan dhe Kevin Garnet.
Kuotat
Rikonfirmimi i Kavaliers nuk do të jetë i lehtë, sipas kuotimit në baste me koeficientin 4.25. Uoriors, pas zhgënjimit të sezonit të kaluar, shihen si kandidati numër me 1.80. Si forcë e tretë për titullin kampion klasifikohet San Antonio. Largimi i 40-vjeçarit Dankan vështirë se mund të përtypet, por ardhja e spanjollit Pau Gasol është një garanci e mirë sipas basteve, të cilët u japin triumfin Spërsave me koeficientin 10.00. Një finale e mundshme shihet si ajo e një viti më parë mes Golden Steit dhe Klivlend, superfavorite në Konferencat respektive (1.30 dhe 1.60).
"MVP"
Favorit për trofeun e lojtarit
më të mirë "MVP" vlerësohet Rasëll Uestbruk i Oklahoma Sitit me koeficientin 3.50. Sipas "bookmakers"-ve, organizatori i Sitit pritet të marrë për "dore" ekipin e tij pas lamtumirës së Durant. Këtë vit ai kërkon një katapultim për këtë trofe, pasi ka fituar titullin e "MVP"-së dy herë radhazi në "All Star Game". Pas tij, sfida e përjetshme vazhdon midis Stefen Kurrit (fituesi i dy viteve të fundit) dhe Lebron Xhejms (i cili do të sigurojë të 5-in në karrierë duke barazuar edhe legjendën Majkëll Xhordan). Kuota për këtë dyshe është 5.00.