Transferimi i gabuar, ja pse Lenjani nuk luan kurrë në shtëpi
Inati i tifozëve për Nantën, shqiptari nuk mund të aktivizohet "në shtëpi"
Ermir Lenjani u piket ua nga Nantë në merkaton e dimrit në janar të vitit 2016. Duke qenë se në pjesën e parë të sezonit ai nuk kish gjendur shumë hapësirë me Renenë, drejtuesit e skuadrës rivale të përjetshme afruan shqiptarin në skuadër. Së bashku me të edhe ish- kapitenin e Kombëtares, Lorik Canën. Mirëpo, historia e urrejtjes mes këtyre dy skuadrave bën që për shqiptarin të nisin telashet me rikthimin sërish te Rene. Situata
Ermir Lenjani nuk mund të aktivizohet në asnjë ndeshje që Rene do të zhvillojë në stadiumin e saj. Kjo, për hir të trysnisë së tifozëve ultras të kësaj skuadre, që nuk e pranojnë rikthimin e një futbollisti që ka veshur fanellën e rivalëve të tyre të betuar, Nantës. Për shkak të këtij presioni që ushtrojnë tifozët dhe për të shmangur trazirat e mundshme në stadiumin e tyre, trajneri i Renesë duhet të shmangë me çdo kusht aktivizimin e
Lenjanit. Për këtë arsye, shqiptarit nuk i mjafton as forma e mirë në stërvitje apo edhe nëse do të ketë rastin të shfaqë veten në fushë me Renenë për hir të inatit që tifozët e këtij klubi kanë me skuadrën e Nantës. Sulmi i tifozëve
Pak javë më parë, Emir Lenjani ra pre e një sulmi nga tifozët e Renesë. Futbollisti i Kombëtares shqiptare pësoi një dëmtim të makinës së tij, në shenjë demonstruese të protestës së tifozëve për rikthimin e tij në ekip. Transferimi në skuadrën e gabuar, pikërisht te rivali historik Nanta, ka bërë që Lenjani të mos ketë mundësi të aktivizohet normalisht në skuadrën e tij aktuale, Rene.
Merkato
Kjo ka qenë arsyeja kryesore se pse trajneri i skuadrës dhe stafi teknik e nxorën në shitje Lenjanin në fillim të merkatos. Një deklaratë e tillë nga përfaqësuesit e klubit u bë për të qetësuar tifozët
dhe për të shmangur trazirat që ata mund të shkaktonin. Së fundmi, Lenjanit iu desh të përballej edhe me një dëmtim në vesh, pasi gjatë ndeshjes Shqipëri- Spanjë u dëmtua nga goditja me bërryl e Tiago Alkantarës.