Bajerni përmbys Maincin dhe merr komandën
Ançeloti rikthehet te skema e Guardiolës me 4-2-3-1
Të paktën për një ditë Bajerni rimerr kryes imin falë golavarazhit më të mirë sesa Lajpcigu, i cili do përballet sot me Shalken. Rekordmenët gjermanë janë rimëkëmbur duke luftuar deri në sekondën e fundit për të blinduar fitoren. Me këtë ritëm dhe vullnet kanë luajtur në arenën e Maincit, nga ku dolën me fitore 1-3. Kampionët e kishin parashikuar të fitonin lehtë, por në fakt nuk rezultoi kështu. Vendësit kalojnë në avantazh që në minutën e 4-t me gol të Kordobës, por Levandovski (8’) dhe Roben (21’) përmbysin shifrat në 1-2 që në pjesën e parë para syve të presidentit Uli Hënes. Ndërsa në minutën e fundit të ndeshjes bomberi polak vulos në 1-3 me golin e tij të 9-të këtë sezon. Jo më kot, Leva është “vrasësi” i Maincit, pasi për polakun ishte dopieta e katërt radhazi në këtë arenë sportive dhe theu rekord.
Ndryshimi taktik, nga 4-3-3 në 4-2-3-1
Për herë të parë këtë sezon, trajneri italian Karlo Ançeloti hodhi në fushë katër lojtarë sulmues duke ndryshuar skemën e tij nga 4-3-3 në 4-23- 1. Riberi, Levandovski, Myler dhe Roben formuan repartin ofensiv. Për herë të parë nga marsi i këtij viti, “Robberi” qëndruan së bashku në formacion. Ndërsa Lahm aktivizohet në mesfushë dhe Kimish në mbrojtjen e djathtë. Në qendërmbrojtje, Humels dhe Martinez zëvendësuan
Boatengun. Kordoba gol blic, Leva-Roben i përmbys
Para startit u mbajt një minutë heshtje për nder të viktimave në Medelin. Kjo atmosferë heshtjeje u duk sikur ndikoi negativisht te miqtë, të cilët startojnë të përgjumur
dhe Kordoba i ndëshkon që në minutën e 4-t pas një gabimi të Martinezit. Është ndeshje e tetë radhazi që Bajerni pëson gol. Më pas rekordmenët përmenden duke e qarkulluar topin dhe ofruar një lojë të gjallë dhe agresive në qendër të sulmit. Roben
driblon mbrojtjen dhe, më pas, jep asist te Levandovski, i cili barazon shifrat në 1- 1 me golin e tetë sezonal. Ndërsa në minutën e 21-të Myler kroson në zonë dhe Roben përmbys shifrat në 1-2. Në pjesën e dytë, Mainci mbrohet dhe Bajerni nuk pati fantazinë e duhur
për t’i çorganizuar. Ançeloti freskon formacionin me Kostën, Vidalin dhe Sançesin, të cilët i japin oksigjen mesfushës dhe sulmit. Në minutën e fundit të takimit, Levandovski fiton faull dhe nga 18 metra shënon duke vulosur fitoren 1-3.