"Është gabuar në operacionin e Mazrekajt"
Gjatë prononcimit të djeshëm, trajneri Starova ka zbuluar edhe një detaj rreth mungesës së Mentor Mazrekajt, ku pranoi se është gabuar me operacionin e tij. Mesfushori pritet të jetë gati vetëm për pjesën e dytë të sezonit. "Si fillim, shpresoj të rikuperojmë Fejzullahun, që pësoi një tërheqje shumë të rëndë. Ndërsa Mazrekajn do ta kemi vetëm për dy fazat e dyta pas janarit. Ka një kontroll këto ditë, edhe një tjetër pas një jave me mjekë të specializuar, të cilët kanë konstatuar se gjatë operacionit është bërë një dëm në vendin e ndërhyrjes. Të paktën diagnoza tashmë është e qartë, edhe kurimi po ashtu, ndaj shpresojmë që t'i bashkohen sa më shpejt skuadrës këta dy lojtarë cilësorë", u shpreh trajneri Starova për dëmtimin e Mazrekajt.