Lojtarët të bindur, përcaktojnë... golat

Takimi me Sopotin në transfertë shihet si tepër i rëndësishëm nga liqenorët. Kjo, për faktin se atyre u duhet të largohen nga vendi në të cilin janë pozicionuar në renditje. "Do kërkojmë të dalim me rezultat pozitiv nga kjo ndeshje", e nis prononcimin për gazetën mesfushori Elidon Topllari. "Jemi përgatitur për t'u përballur denjësisht me librazhdasit e Sopotit. Do të mobilizohemi dhe mbrohemi fuqishëm. Do të japim më të mirën tonë në fushë për të arritur te suksesi. Pjesë e golit në këtë takim dua të jem edhe unë", ka përfunduar Topllari. Pogradeci rivalizoi deri në javën e fundit sezonin e kaluar për t'u bërë pjesë e Superiores, por nuk ia arriti qëllimit. Tashmë, ekipi ka ndryshuar shumë nga ai i një viti më parë dhe duket se do të luftojë për mbijetesë në Kategorinë e Parë. Pëllumb Starova