Sopoti nuk ka alibi, të gjithë presin kthesën
Të besuarit e Altin Mallutës luajnë sot një takim mjaft delikat për ecurinë e këtij sezoni. Librazhdasit do të udhëtojnë drejt Fushë-Krujës me synimin e qartë, fitorja, pasi çdo rezultat tjetër do t'i mbante nga fundi i tabelës. Administratori Matraxhiu ka bërë dy analiza këtë javë gjatë seancave stërvitore. Analiza e parë ka prekur më së shumti humbjen e javës së shkuar, ndërsa e dyta ka qenë e fokusuar te ndeshja e kësaj jave, ku fitorja duhet të kërkohet me çdo kusht nga lojtarët. Trajneri do të kushtëzohet nga mungesat e Bifshajt dhe Mersinit, por që nuk janë justifikuese për një rezultat zhgënjyes. Fitorja shihet si shpëtim për shkëputjen nga fundi dhe lojtarët për këtë kanë dhënë fjalën se do të bëjnë maksimumin. Sezonet e fundit, të dy këto ekipe kanë dhuruar përballje të bukura mes tyre. Ledion Qoshku