Ekipi sakrifikon për të ruajtur terrenin
Lushnja ka mbyllur përgatitjet në kuadrin e ndeshjes me Turbinën duke e zhvilluar seancën e fundit stërvitore në fushën sportive pranë stadiumit "Roza Haxhiu", në kushte shumë të vështira, pasi në këtë ambient mungojnë përmasat dhe bari jeshil. Gjithsesi, për të ruajtur fushën e stadiumit, skuadra verdhejeshile është përgatitur në këtë terren stërvitor. Ushtrime të ndryshme, gjuajtje në portë dhe skuadra duket gati për sot. Ekipi gjatë javëve të deritanishme ka treguar një formë shumë të mirë sportive. Skuadra e drejtuar nga Artan Bano nuk ka pësuar asnjë humbje, në një kohë që udhëheq Grupin B, e shkëputur ndjeshëm nga skuadrat e tjera.