Transferta torineze, tabu për Atalantën, 27 vite pa fitore
Atalanta po bën një nga kampionatet më pozitive të historisë së saj, por, sido që të jetë, kur përballë të pret Juventusi, gjërat nuk është se mund të duken kaq të lehta. Madje, nëse do t'u futemi statistikave, kjo ndeshje duket pa histori për bergamaskët. Këta të fundit numërojnë 12 humbje radhazi në kampionat ndaj "Zonjës së Vjetër". Suksesi i fundit është ai i vitit 2001, kur skuadra e drejtuar atëherë nga Vavasori triumfoi 2- 1, në Bergamo ndaj bardhezinjve. Por, për të gjetur një triumf të Atalantës në Torino, atëherë duhet të kthehemi jo pak, por plot 27 vite më parë, kur në 1989-ën një gol i Kanixhas përkulte Juven.