“Na kishte munguar kjo uri për fitoren”

Trajneri i Bajernit, Karlo Ançeloti, ka folur me nota pozitive për rezultatin dhe paraqitjen në Mainc. “Patëm probleme në minutat e para. Por, ajo që ka më shumë rëndësi është shpirti luftarak dhe loja kolektive. Jam i kënaqur me pjesën e parë. Krahët funksionuan shumë mirë dhe jam shumë i lumtur që u gjallëruan si Robeni dhe Levandovski. Myleri është inteligjent dhe shumë fleksibël. Përballë një kundërshtari të tillë, që luan vetëm në kundërsulm dhe vetëm mbrohet, na duhej shumë lëvizje, kombinime dhe energji. Lojtarët shkëlqyen në vendosjen dhe manovrimet e tyre duke menduar për gol deri në minutën e fundit. Kjo uri na kishte munguar. Shpresoj të mbetemi të parët”, tha Ançeloti.