Përmbysje e çmendur, Dinamo fundos Elbasanin

Verdheblutë mbeten në vendet e fundit, kriza vazhdon

Dinamo mund El basanin në trans fertë 3-1 në një përballje mbi nivelin mesatar për të dyja skuadrat, të cilat deri në fund kërkuan me ngulm golin. Të parët kalojnë në avantazh vendësit me anë të Shamet Lutës, por në 60 sekonda miqtë përmbysin me Gërxhon dhe Ejoh, ndërsa në fund vulos fitoren Allmuça. Elbasanasit vinin në këtë përballje pa dy ditë stërvitje për shkak të bojkotit të pagave, por gjithsesi zhvilluan një lojë të kënaqshme me shumë raste për të shënuar. Ky rezultat ngjit disi Dinamon në klasifikim, ndërsa verdheblubë bëjnë sërish prapakthehu pas dy fitoreve radhazi dhe mbeten sërish në zonën e ftohtë.

Ndeshja - Përballja do të nisë menjëherë vrullshëm për verdheblutë, të cilët në minutën e 3-të godasin shtyllën me anë të Lleshit, pasi më parë Alikaj hezitoi të godiste në portën dinamovite. Turdiu vë në provë Kotorrin në minutën e dhjetë, por pesë minuta më pas Luta humb një shans të artë për të kaluar në avantazh vendasit. Humbasin topin dinamovitët dhe Luta i vetëm nuk e dërgon topin në rrjetë, pasi Birja devijon mrekullisht. Ritmi është i lartë, me elbasanasit që kontrollojnë lojën dhe kërkojnë me ngulm golin, por, përpos avantazhit territorial, nuk ia dalin të kalojnë në avantazh në këtë fraksion loje. E dyta nis me të njëjtin ritëm, me elbasanasit që nuk heqin dorë nga sulmet dhe

Dinamo mbrohet mirë, por në të 53-ën Kasa ikën bukur nga e djathta, pason për Lutën në zonë dhe goditja e këtij të fundit ndalet në rrjetë. 1-0 dhe verdheblutë në delir. Mundohen të ndërrojnë "marsh" dinamovitët dhe rrezikojnë në dy raste me anë të Gjatës dhe Rexhepit,

por Kotorri nuk lejon prekjen e rrjetës. Atëherë kur nuk mendohej, në 60 sekonda ndodh përmbysja e madhe, teksa fillimisht Gërxho me një goditje pa pretendime në kufijtë e zonës së rreptësisë, e dërgon në rrjetë, ndërsa në aksionin pasardhës Ejoh në kundërsulm

me një goditje mjeshtërore nga jashtë zone mposht Kotorrin. 1- 2 për Dinamon në minutën e 66-të dhe vendasit nuk u besojnë syve. Në fund, Allmuça me një parabël mposht portierin elbasanas duke mbyllur përfundimisht takimin në 1-3.