Tirana hakmerret ndaj Goga Basket, merr kryesimin

Bardheblutë fituan 113- 90 ndaj Kamzës

Pas përballjes në gjysmëfinalen e Kupës së Shqipërisë, Goga Basket dhe Tirana u vunë sërish përballë. Por ndryshe nga hera e fundit, këtë herë fituese dolën kryeqytetaset në ndeshjen e javës së 6-të në kampionat. Durrsaket e nisën më mirë takimin dhe për pasojë që në fillim krijojnë një avantazh të lehtë në pikë. Më pas janë lojtaret e Tiranës që ringrihen dhe jo vetëm që barazojnë rezultatin, por edhe marrin avantazhin në fillim të periodës së tretë. Më pas kryeqytetaset tregohen më të sakta dhe administrojnë më mirë lojën, duke bërë që e gjithë sfida të mbyllet 56-59 në favor të tyre. Me fitoren e pestë radhazi, bardheblutë ndajnë tashmë kreun me Flamurtarin. Studenti ka mundur Elbasanin në shifrat 61-79, në një ndeshje ku nuk ka munguar rivaliteti në perioda të veçanta. Fillimisht është skuadra mike që fiton të parën ngushtësisht 14-19, ndërsa vendëset ia dalin të fitojnë në periodën e dytë 17-13. Pas pushimit, Studenti mbledh forcat dhe e mbyll 17-25, duke krijuar një avantazh të lehtë. Në të katërtën janë sërish miqtë që fitojnë 13-22 dhe e mbyllin krejt takimin në favor të tyre. Vllaznia ka arritur një fitore me vetëm 3 pikë diferencë, 67-64. Për vajzat kuqeblu erdhi duke u vështirësuar kryesisht në periodën e fundit. Megjithatë, Vllaznia arriti që të ruajë diferencën në pikë dhe ta fitojë këtë përballje. Bardheblutë fituan 113-90 ndaj Kamza Basket, në ndeshjen e vlefshme për javën e 7-të. Dje ranë në sy finalizimet për tri pikë me protagonistë Laskun (4), E. Muhametaj (3), Rame (2), Fjolla (2), Gjyzeli (2) dhe Llazani (2). Tirana fitoi tri periodat e para duke blinduar suksesin e 7-të radhazi. Në periodën e parë nga bardheblutë shënojnë

vetëm 3 lojtarë: Lasku 12 pikë, Hysenagolli dhe Rame nga 10 pikë, duke e fituar periodë 3225. Ndërsa 10 pikë nga vendësit i shënoi Hamati. Perioda e dytë është e ekuilibruar dhe për herë të parë Kamza kalon në epërsi. Ergys Muhametaj me një trepikësh kalon skuadrën në kryesim 43-42. Edhe kjo periodë fitohet nga Tirana 28-24. Perioda e tretë është e 3-pikëshave, ndërsa tek e radhës diferenca shkon në +30 pikë (99-69) dhe krejt sfida mbyllet 113-90. Flamurtari nuk i bën ballë as Vllaznisë, edhe pse u përpoq të luajë si e barabartë. Një ndeshje e vendosur nga kualitetet e shkodranëve, ndërkohë që në periodën e parë takimi ka qenë thuajse i barabartë, por në fund Vllaznia shkëputet duke e mbyllur me +1 pikë. Në periodën e dytë, Vllaznia shkëputet në +10 pikë, duke krijuar rezultatin e nevojshëm për të hipotekuar fitoren. Në vendin e dytë ndodhet Teuta, që mposhti 71-52 Ardhmërinë në Durrës. Në fakt, ndeshja nis më mirë për miqtë dhe kështu vijon deri në fundin e dy periodave të para. Por me fillimin e pjesës së dytë, gjithçka ndryshon. Teuta dominon dhe pak nga pak thellon avantazhin. Megjithëse loja e Ardhmërisë ka agresivitet deri në fund, takimi mbyllet 71-52 për bregdetarët. Në ndeshjen e javës së 7-të në Kategorinë e Parë, Eagles dolën fitues 69-56 kundër Apolonisë dhe i bëjnë presion Partizanit.

K.Brahimaj/R.Gjini/ S.Nikshiqi/A.Dushku