Prapaskena, Uli Hënes i bëri formacionin Karlo Ançelotit
Presidenti e këshilloi që të luante me Mylerin në qendër
Erdhi momenti që Karlo Ançelotit t'i bëjnë formacionin edhe te Bajerni. Trajneri italian ka dëshmuar vetë që si në kohën te Milani, Çelsi, PSGja dhe Reali, presidentët ndërhynin në anën taktike dhe në formacion. Ai ka pohuar se presidenti më aktiv për të ndërhyrë në formacion ka qenë presidenti i Milanit, Silvio Berluskoni. Ndërkohë, revista gjermane "Kicker" ka zbuluar se para ndeshjes kundër Maincit, Ançeloti ka pasur një bisedë me kreun e Bajernit, Uli Hënes. & '# ' ( ) * )
Hënes, leksione Karlos
Për herë të parë këtë sezon, Karlo Ançeloti ndryshon sistemin nga 43-3 në 4-2-3-1. Duhej të merrte presidencën Uli Hënes që të vinte ky ndryshim. Sipas "Kicker", ndryshimi taktik erdhi për arsye që të shkëlqenteTomas
Myler. Uli Hënes e këshilloi Ançelotin që Tomas Myler të merrte rol në qendër dhe jo të luante si sulmues krahu në të djathtë. Për t'i realizuar dëshirën presidentit, Ançeloti i beson sistemit ofensiv 4-2-3-1, me të cilin Bajerni ka korrur suksese të mëdha si me Jup Hajnkes dhe Pep Guardiolën. Kjo taktikë ka bërë diferencën më shumë në kohën e strategut gjerman Jup Hajnkes. Në sezonet 2011-2012 dhe 2012-2013, Hajnkes luajti me këtë taktikë në 67 ndeshje, ndërsa në tri vite me Guardiolën, Bajerni luajti 21 herë me 4-2-3-1 dhe 45 herë me 41-4-1. Fituesit e skemës 4-2-3-1 ishin Roben, Levandovski dhe Myler. Ndryshimin e skemës e përshëndetën të gjithë lojtarët, të cilët u ndien shumë herë më mirë në krahasim me 4-3-3. Teksa Bajerni fitoi 3-1 në Mainc, tregon qartë që këshilla e Uli Hënesit ka qenë e drejtë dhe me vend. Ndryshe nga klubet e tjera, Ançeloti ka te Bajerni specialistë të futbollit si Hënes dhe Rumenige.