Ndahen bursat olimpike, Erjon Tola: Jemi një shekull mbrapa
Mëhilli, Tola dhe Biçoku, përfitues të projektit
Komiteti Olimpik Kombëtar Shqiptar ka firmosur dje bursat me tre sportistët që synojnë pjesëmarrjen në Lojërat Dimërore "Pyeongchang 2018" (Koreja e Jugut). Sportistët përfitues ishin Suela Mëhilli, Erjon Tola dhe Marsel Biçoku. Programi i bursave konsiston në përgatitjen e sportistëve për periudhën nga 1 nëntor 2016- 28 shkurt 2018. Bursat do të ofrohen nga Solidariteti Olimpik dhe do të monitorohen me raport financiar çdo 4 muaj. Shuma monetare e bursës është 1000 dollarë në muaj. Sipas KOKSH-it, ajo konsiston në ofrimin e lehtësirave për trajnim të duhur; trajner të specializuar në atë disiplinë sportive; kontroll mjekësor; sigurime shëndetësore në rast aksidentesh (jo ndërhyrje mjekësore) dhe buxhet minimal dhe shpenzime minimale transporti. Presidenti i KOKSH-it, Viron Bezhani, theksoi se bashkëpunimi me Federatën e Skive është maksimal për të ndjekur ciklin e përgatitjeve dhe objektivave për kualifikim të bursistëve. Përtej optimizmit të kreut të KOKSH-it, skiatori Tola shprehu keqardhjen për mungesën e mbështetjes nga shteti sipas tij. "Në sportin e skive ne jemi diku te 150 vite mbrapa me Italinë. Shqipëria nuk duhet të ketë pretendime. Kjo që po bëjmë ne është tamam një dhuratë për Shqipërinë. Pjesëmarrja në një Olimpiadë është shumë e madhe, marrë shkas këtu rastin e Marselit duke qenë se nuk ka infrastrukturë, nuk ka asgjë përveç pasionit të njerëzve. Për dijeni, sporti i skive është tepër i Suela Mëhilli
Erjon Tola Marsel Biçoku
shtrenjtë dhe kostoja financiare për familjet tona është e lartë. Ne po shkojmë në një Olimpiadë, ndërkohë që nuk kemi asnjë pistë të ngjashme me një pistë olimpike. Ndryshe nga skiatorët e tjerë që stërviten çdo ditë për gjithë vitin, ne këtë mundësi nuk e kemi. Konstatoj një nënvlerësim
që ka shteti shqiptar për sportet individuale. Do të dëshiroja të mos kujtohen një herë në katër vjet për Olimpiada apo një herë në dy vjet në Botërore. Ndërkohë, Kupat e Botës zhvillohen çdo vit, çdo sezon apo çdo muaj". Ndërsa Mëhilli u shpreh se me rezultate do të flasë në
pistë. Historike do të jetë kjo pjesëmarrje për "produktin" vendës, Marsel Biçoku. "Më janë dashur më shumë se 3 vjet e gjysmë. Shpresoj shumë që me këtë besim që më dha federata dhe Komiteti Olimpik do t'ua shpërblej me një pjesëmarrje dinjitoze".