Kastrioti llogarit fitoret e radhës, Doku bën bilancin

"Nuk mund të ketë një tjetër hap fals pas humbjes me Erzenin. Ndaj Mamurrasit kanë vlerë vetëm tri pikët". Kështu e nis prononcimin e tij për mediat mbrojtësi i skuadrës krutane, Elton Doku, i cili te Kastrioti ka eksperiencë të gjatë. "Luajmë kundër një skuadre modeste që po bën një kampionat disi të mirë dhe jo më kot jemi me pikë të barabarta. Megjithatë, edhe pse pikët e barabarta, Kastrioti ka vlerat e tij, që mezi pret t'i shprehë. Fitorja në këtë ndeshje do të ishte autokritika më e mirë për humbjen ndaj Erzenit në transfertë. Sigurisht, të gjitha ndeshjet kanë rëndësinë e tyre, sepse kampionati është i gjatë. Tashmë Kastrioti është i përqendruar te sfidat e radhës ku parashikohen dy takime brenda fushe, fillimisht në Mamurrasin dhe më pas me Ilirinë. Po përgatitemi për dy fitore radhazi", tha Doku. Liridon Pasha