"Ishim më mirë në 15 minutat e fundit"
Trajneri i Atletiko Madridit, Diego Simeone, kishte ardhur në Mynih për të eksperimentuar dhe provuar lojtarët e rinj. Ai ka mbetur i kënaqur vetëm me 15 minutat e fundit të takimit. "Në fillim patëm dy shanse, më pas Bajerni u forcua. 15 minutat e fundit më lanë shije pozitive dhe më bëjnë optimist. Loja pozicionale ishte në nivele të mira. Zgjodha të provoja disa lojtarë dhe më pëlqyen. Sezoni është i gjatë dhe i ngarkuar, prandaj disa prej tyre kishin nevojë për pushim. Të rinjtë ishin pozicionalë dhe të angazhuar maksimalisht. Në të tilla duele e bëjnë diferencën detajet. Një goditje me mjeshtëri na ndëshkoi dhe Bajerni arriti të kontrollojë mirë lojën. Kjo humbje nuk na shkakton asnjë problem. Ne mbyllëm me sukses fazën në grupe dhe nuk ka qenë aspak e lehtë të kualifikoheshim të parët".