“Lojtarin që na shënoi gol e dua në skuadër”

Pep Guardiola ka thurur elozhe për futbollistët e rinj që aktivizoi në ndeshjen e djeshme, duke e cilësuar si një eksperiencë që do i rrisë më tepër profesionalisht. "Jam i kënaqur për paraqitjen e futbollistëve të rinj në moshë, pasi treguan cilësi dhe mbi të gjitha maturi. Ky kompeticion të jep emocione të veçanta, të cilat do u shërbejnë. Iheanaço është një sulmues i shkëlqyer dhe për të nuk ishte hera e parë. Ai ka për të bërë diferencën brenda pak vitesh", u shpreh trajneri i Mançester Sitit. Por, spanjolli befasoi me deklaratën për sulmuesin e Sëlltikut, Patrik Roberts, që shënoi edhe golin për skocezët: "Është një lojtar me potencial të madh. Më ka pëlqyer shumë. E di që është në pronësinë tonë, por në fund të sezonit e dua në dispozicionin tim. Në Skoci do rritet më tepër, por do na shërbejë edhe neve".