Lioni finale me Sevijen, Portos i duhet fitorja
Në ndeshjet e ditës së sotme, vetëm dy prej tyre janë të rëndësishme dhe do të përcaktojnë dy skuadra që do të kualifikohen në fazën e ardhshme. Lioni dhe Sevija do të luajnë një finale, nga e cila do të zyrtarizohet ekipi i dytë që do të kualifikohet në grupin H. Vetëm Juventusi është kualifikuar, ndërsa ndeshja tjetër do të përcaktojë ekipin tjetër. Lionit i duhet një fitore me diferencë golash +2 për t'u kualifikuar me dhjetë pikë, po aq sa Sevija. Këtyre të fundit u mjafton edhe një barazim për të vazhduar rrugëtimin. Ndeshja tjetër e rëndësishme është ajo mes Portos dhe Leiçesterit. "Dhelprat" e Ranierit kanë siguruar kualifikimin për të vazhduar ëndrrën dhe portugezët duan të fitojnë për të shmangur surprizën që mund të bëjë Kopenhageni. Danezët mund të kualifikohen në rast se fitojnë dhe Porto mund të ndalet në një barazim. Ndeshjet e tjera thuajse janë pa interes dhe do të vendosin vetëm skuadrat që do të kualifikohen për në Europa Ligë.